Të papriturat mund të jenë tepër të zakonshme në një emision që transmetohet drejtpërdrejt. Diçka e ngjashme i ka ndodhur edhe Bieta Sulos ditën e sotme në programin e saj, “Ftesë në 5”.
Moderatorja kishte të ftuar një blogere, Adisa Gjomemo, e cila realizon video të ndryshme dhe i publikon më pas në kanalin e saj në “Youtube”.
Gjatë emisionit, Bieta e pyeti të ftuarën “Sa para fiton nga videot” dhe pikërisht këtu ndodhi ajo që moderatorja nuk e priste. Blogerja u largua nga emisioni, me pretendimin se nuk i pëlqenin pyetjet me lekë.
Adisa doli nga emisioni dhe Bieta u vendos në siklet, por vendosi që të vazhdonte me rrjedhën e programit.
Mirëpo pas disa sekondash blogerja u rikthye sërish në studio dhe u shpreh se e gjithë kjo ishte një lojë për Bietën dhe shpjegoi se njësoj vepron edhe në videot që publikon në “Youtube”.
https://www.instagram.com/p/CKjkRbeBERk/?utm_source=ig_embed&utm_campaign=embed_video_watch_again
E gjithë situata më pas u kalua me të qeshura dhe shumë sportivitet.
